DAVAO CITY – MIGULA karon sa pagtuon sa Philippine Institute for Development Studies (PIDS) nga nakapakunhod sa pangempleyo ang gipatumang minimum wage sa nasud.
Ang maong impormasyon gibulgar niadtong milabayng adlaw atol sa Biz Talk sa Tagum City ni Dr. Vicente Paquaeo, usa sa mga utok sa Labor Policy Analysis for Jobs Expansion and Development.
Sumala pa ni Paqueo, nasuta sa ilang grupo nga nakapakunhod sa trabaho sa nasud ang minimum nga suholan dihang mipahigayon sila og aktuwal nga pagtuon sa household income and poverty incidence, employment of enterprises, employment of individual workers from disadvantaged population groups ug hours of work.
Hinuon gitataw sa naasoy nga doktor nga ang nasangpit nga pagtuon wala maninguha sa pagtanggal sa minimum wage nga kasamtangang gipatuman sa nasud.//
